Meşəbərpa tədbirləri bayram və tətil günlərində də davam edib.

Bu barədə "Sizinxeber.az"a Ekologiya və Təbii Sərvətlər Nazirliyindən məlumat verilib.

Qeyd edilib ki, Xaçmaz, Qusar, Siyəzən, Masallı, Astara, Qəbələ, Qobustan, Ağsu, Tovuz, Gədəbəy, Daşkəsən, Ağcabədi, Göygöl, Goranboy, Hacıqabul, Bərdə, Ağdaş, Şəki və Zaqatala rayonlarının meşə fondu torpaqlarının açıq və seyrək sahələrində ağacəkmə tədbirləri aparılıb və ümumilikdə 125 hektar sahədə 195 min ədəd müxtəlif növ ağac tingi əkilib, 4 tondan artıq toxum səpilib.

"Hazırda ölkənin bütün regionlarının meşə fondu torpaqlarında meşəbərpa tədbirləri davam edir və hər bölgənin iqlim şəraitinə uyğun Meşə Təsərrüfatı Mərkəzlərinin tinglik sahələrində yetişdirilən müxtəlif növ ağac tingləri əkilir, toxumlar səpilir", - məlumatda qeyd olunub.

Oxşar xəbərlər

Od çərşənbəsində 88 min ağac əkilib 

Yel çərşənbəsində 50 mindən çox ağac əkilib

Baş Prokurorluqda ekoloji hüquqpozmalarla bağlı cinayət işi başlanıb

Nazirlərin avqust ayı üzrə vətəndaş qəbulu cədvəli açıqlanıb

Rusiyada meşə yanğınları güclənib