Çoxsaylı təbii fəlakətlər və meşə yanğınları bu günün reallığına çevrilib.

"Report" xəbər verir ki, bunu İqlim Dəyişikliyi üzrə Hökumətlərarası Ekspertlər Qrupunun (IPCC) sədri Cim Ski bu gün Bakı İqlim Fəaliyyəti Həftəsi çərçivəsində videomüraciətində deyib.

Onun sözlərinə görə, qrupun məruzələrində qeyd olunur ki, daha 1,5°C istiləşmə nəticəsində iqlim dəyişikliyinin yeni təsirləri, o cümlədən biomüxtəlifliyin itirilməsi, su qıtlığı, daha ekstremal hava şəraiti və ərzaq təhlükəsizliyinin təmin olunmaması kimi problemlər meydana çıxacaq.

"COP-un iclaslarında ən mühüm iqlim danışıqları iqlim dəyişikliyi və iqlim fəaliyyəti ilə bağlı elmi məlumatların qiymətləndirilməsi üzrə BMT orqanı kimi IPCC-nin təqdim etdiyi dövri məruzələrə əsaslanır", - C.Ski bildirib.

Sonda qrupun rəhbəri Bakı İqlim Fəaliyyəti Həftəsinin bütün iştirakçılarını iqlim dəyişikliyi ilə bağlı problemin həlli istiqamətində qlobal fəaliyyətə aktiv şəkildə töhfə verməyə çağırıb.

Oxşar xəbərlər

IPCC sədri: İqlimlə bağlı tədbirlərin aktuallığı aydındır - COP29 həmişəkindən daha vacibdir

Nigar Arpadarai: Bakı İqlim Fəaliyyəti Həftəsi COP29 istiqamətində mühüm addımdır

İqtisadiyyat naziri: "Yaşıl iqtisadiyyat”ın inkişafı zəruri olub"

Bakıda COP29 Sədrliyi çərçivəsində İqlim Dəyişmələri üzrə Hökumətlərarası Panelin təlim seminarı keçirilir

Bakı İqlim Fəaliyyəti Həftəsi işinə başlayıb