Havanın temperaturu yüksələcək - XƏBƏRDARLIQ

Növbəti iki gün ərzində Azərbaycanda havanın temperaturu yüksələcək.

Bu barədə "Sizinxeber.az"a Milli Hidrometeorologiya Xidmətindən məlumat verilib.

Bildirilib ki, avqustun 6-da Bakıda və Abşeron yarımadasında havanın maksimal temperaturunun 35-38° isti olacağı gözlənilir.

Azərbaycanın rayonlarında avqustun 6-7-də havanın maksimal temperaturunun Naxçıvan MR və Aran rayonlarında 35-38° isti, bəzi yerlərində 40° isti, dağlıq ərazilərdə 25-30° isti olacağı gözlənilir.