Hava Limanında fövqəladə hallara hazırlıq üzrə genişmiqyaslı təlim

Naxçıvan Muxtar Respublikasının Fövqəladə Hallar Nazirliyi və Naxçıvan Beynəlxalq Hava Limanı “Qəza-xilasetmə komandalarının fəaliyyətinin təkmilləşdirilməsi və bu istiqamətdə FHN-in müvafiq bölmələri ilə koordinasiyasının təkmilləşdirilməsi” mövzusunda birgə təlim keçirib.

Sizinxeber.az-nın Naxçıvan bürosu xəbər verir ki, təlim hava limanında yanğın təhlükəsizliyi tədbirlərinin səmərəliliyinin, habelə fövqəladə hallara çevik reaksiya verilməsi imkanlarının artırılması, eyni zamanda hava limanı ilə müvafiq dövlət qurumları arasında xilasetmə əməliyyatlarında qarşılıqlı fəaliyyət və koordinasiyanın gücləndirilməsi məqsədilə təşkil edilib.

Təlimdə Naxçıvan Beynəlxalq Hava Limanının xüsusi avadanlıqlarla təchiz olunmuş yanğınsöndürmə və xilasetmə heyətləri, tibbi personalı və Naxçıvan Fövqəladə Hallar Nazirliyinin müvafiq bölmələri, eləcə də Daxili İşlər və Səhiyyə nazirliklərinin nümayəndələri iştirak ediblər.

Təlim planına uyğun olaraq, əvvəlcə tədris nöqtələri barədə məlumat verilib. Daha sonra aviasiya qəzası şəraitində yaranmış fövqəladə hadisənin nəticələrinin aradan qaldırılması, sərnişin terminallarında, aeronaviqasiya qülləsində və yanacaq-sürtgü materialları anbarında yanğınların söndürülməsi, sərnişinlərin hava gəmisindən təhlükəsiz təxliyəsi və zərərçəkmişlərə ilkin tibbi yardımın göstərilməsi üzrə mərhələli əməliyyatlar icra olunub.

Simulyasiya edilmiş əməliyyatlar zamanı bütün tapşırıqlar yüksək peşəkarlıqla yerinə yetirilib və qarşıya qoyulan məqsədlərə tam şəkildə nail olunub.
Təlim fövqəladə hallara hazırlığın və əlaqələndirilmiş fəaliyyətin real sınağı olmaqla yanaşı, iştirakçı qurumlar arasında əməliyyat alqoritmlərinin təkmilləşdirilməsinə mühüm töhfə verib.

Oxşar xəbərlər

Nахçıvаn Bеynəlхаlq Hаvа Limаnında xüsusi təlim keçirilib

FHN və AZAL Qəbələ aeroportunda təlim keçirib - VİDEO

Aeroportda yanğın təhlükəsizliyi üzrə təlim keçirilib - VİDEO

Naxçıvan Modul Elektrik Stansiyasında seminar-müşavirə və təlim keçirilib - FOTO

FHN hava limanlarında təlim keçirib