Fransa Əlcəzairdə keçirdiyi nüvə sınaqlarının nəticələrinə görə tam tarixi və hüquqi məsuliyyəti öz üzərinə götürməlidir.

Sizinxeber.az zəbər verir ki, bunu Azərbaycan Milli QHT Forumunun İdarə Heyəti sədri Ramil İskəndərli BMT-nin İnsan Hüquqları Şurasının Cenevrədə davam edən 58-ci sessiyasının İrqi ayrıseçkiliklə bağlı növbəti plenar iclası çərçivəsində keçirilən ümumi debatlarda video-müraciəti zamanı deyib.

"Bu il Fransa tərəfindən Əlcəzair səhrasında 1960-cı ildə keçirilmiş ilk nüvə sınağının 65-ci ildönümüdür. Həmin faciəli gündə Fransa Əlcəzairin cənub-qərbində ilk nüvə bombasını partlatdı və nəticədə dağıdıcı humanitar və ekoloji fəlakət baş verdi. Bu fəlakətin nəticələri indiki və gələcək nəsillər üzərində uzun kölgə salmaqda davam edir. Bu nüvə sınağı ayrica bir hadisə kimi yox, sonrakı 16 digər sınaq seriyasının başlanğıcı olaraq həyata keçirilib.

Fransa Əlcəzairdə keçirdiyi nüvə sınaqlarının nəticələrinə görə tam tarixi və hüquqi məsuliyyəti öz üzərinə götürməli, nəticədə dəyən zərərin aradan qaldırılması üçün əməli tədbirlər həyata keçirməlidir, o cümlədən bütün əlaqədar sənədlərin tam açıqlanması, radioaktiv tullantıların basdırıldığı yerlərin müəyyən edilməsi, çirklənmiş ərazilərin ekoloji reabilitasiyası və zərərçəkənlərə ədalətli kompensasiya ödənilməsi, onların adekvat tibbi xidmət və dəstəyə çıxışının təmin edilməsini həyata keçirilməlidir. Bu müstəmləkə zehniyyəti Fransa dövləti tərəfindən Əlcəzairlilərə qarşı daha geniş irqi ayrı-seçkilik nümunələri ilə üst-üstə düşür.

Biz Fransa hökumətinin Əlcəzairdə törətdiyi nüvə cinayətlərini tam etiraf etməsi və qurbanlar üçün ədalətli kompensasiya ilə müşayiət olunmalı olan hüquqi və mənəvi məsuliyyəti qəbul etməsinin vacibliyini nəzərinizə çatdırırıq", - o qeyd edib.

Oxşar xəbərlər

Azərbaycan Prezidenti Fransanın dənizaşırı ərazilərdə törətdiyi cinayətlərdən danışıb

COP29 QHT Koalisiyası genişlənərək Qlobal Cənub QHT Platformasına çevrilir

85 ölkədən QHT-lər ilk dəfə Azərbaycanın ətrafında vahid koalisiyada birləşib

WUF13 QHT Koalisiyası yaradılır

Monjoin Mohamed: Fransa Qəmər adalarının əhalisini susdurmaq üçün güc tətbiqinə üstünlük verib