Azərbaycan Milli Elmlər Akademiyası Şamaxı Astrofizika Rəsədxanasının verdiyi məlumata görə, bu il Şəvval ayının 1-i Ramazan bayramı, inşallah, Miladi təqvimlə martın 30-na təsadüf edir.

APA xəbər verir ki, bunu Şeyxülislam Hacı Allahşükür Paşazadə Ramazan bayramı münasibətilə xalqı təbrikində deyib.

O qeyd edib ki, orucun mühüm əməllərindən biri olan fitrə zəkatının vaxtı Ramazan ayının son günü - Bayram axşamı şam namazından sonradır.

"Qazılar Şurasının Fətvasına görə adambaşına 10-15 manat fitrə zəkatının verilməsi tövsiyə olunur. Fitrə canın sədəqəsidir və imkanı olan müsəlmanın ailəsinin hər bir üzvü üçün fitrə zəkatı çıxarması, imkansızlara, ehtiyacı olan ailələrə verməsi vacibdir. Bu, hər bir ailəyə bayram ovqatı yaşamağa imkan yaradır. Qeyd edirik ki, Azərbaycanın bütün məscidlərində bayram namazları qılınacaqdır, inşallah. Bakıda Əjdərbəy məscidində bayram namazının vaxtı saat 08.00, Təzəpir məscidində 09.00-a təyin edilmişdir", mətndə deyilir.

Oxşar xəbərlər

Ramazan bayramında namaz vaxtı açıqlanıb

QMİ hər ailədə adambaşına 10-15 manat fitrə zəkatı çıxarılmasını tövsiyə edir

QMİ: Ən çox istifadə olunan ərzağın 3 kq-ı dəyərində adambaşına fitrə zəkat çıxarılmalıdır

Ramazan ayı başlayıb