Deputat Naqif Həmzəyev yaşlı, xəstə məhkumların əfvini təklif edib, Vətən müharibəsi dövründə Gəncəyə atılan raket atışı nəticəsində evlərinə ziyan dəyən insanların bəzilərinin üzləşdiyi çətinliyi açıqlayıb.

APA xəbər verir ki, deputat bunu Milli Məclisin İnsan hüquqları komitəsinin bu gün keçirilən iclasında “Azərbaycan Respublikasının İnsan hüquqları üzrə müvəkkilinin (ombudsmanın) 2024-cü il üzrə məruzəsi”nin müzakirəsində bildirib.

Qərb bölgəsində tikintisi həyata keçirilən cəzaçəkmə müəssisələrinin də tezliklə istifadəyə verilməsini istəyən deputat deyib ki, tibbi sığorta ilə vətəndaşlara tətbiq edilən bütün imtiyazlar cəzaçəkən şəxslərə də aid edilsin: “Məruzədə 65 yaşdan yuxarı və 25 ildən çox cəza çəkən şəxslərin əfvi məsələsinə toxunulsa, yaxşı olardı. Cəza çəkmə müəssisələrində xəstə olan şəxslərin əfv olunması ilə bağlı məsələyə baxılmalıdır. Onların cəzaçəkmə müəssisəsində canını tapşırmasındansa, öz ailəsinin yanımda canını tapşırması yaxşı olardı”.

Naqif Həmzəyev nəzərə çatdırıb ki, 44 günlük Vətən müharibəsi dövründə Gəncəyə atılan raket atışı nəticəsində evlərinə ziyan dəyən insanların böyük əksəriyyətinin problemi həll edilib: “Amma bəzi ailələrin problemi qalıb. Evinin sənədləri Müdafiə Nazirliyinə aid olan ailələr var ki, dövlət tərəfindən vəsait ayrılsa da, onların evi tikilib təhvil verilmir. Bu məsələni Ombudsman nəzarətə götürə bilər. Dövlət pul ayırıb, amma pul xərclənə bilmir”.

Oxşar xəbərlər

Deputat: Qonşu ölkə Azərbaycana qarşı tiryək müharibəsi aparır

Ombudsmanın əməkdaşları 4 saylı cəzaçəkmə müəssisəsinə başçəkmə keçirib

Zahid Oruc: Aliment Fondunun yaradılması saxta boşanmaları artıra bilər

Ombudsmanın nümayəndələri "Abzas Media" işi üzrə həbs edilənlərlə görüşüb

Sabah hərbi hissələrdə və cəzaçəkmə müəssisələrində seçki məntəqələri üzrə seçicilərin siyahılarının dəqiqləşdirilməsi başa çatacaq