Bu ildən dövlət tərəfindən maaliyələşən kanallarda surdotərcüməçiliyin (red. işarət dili) tətbiq edilməsi üçün qanuna dəyişiklik edilməsi üzərində işlər gedir.

Sizinxeber.az xəbər verir ki, bunu Audiovizual Şuranın sədri İsmət Səttarov brifinqdə jurnalistlərin suallarını cavablandırarkən deyib.

O qeyd edib ki, buna Milli Məclisdə müzakirə edildikdən sonra qərar veriləcək: "Azərbaycanda surdotərcümə çox azdır. Gələcəkdə özəl kanallarda da surdotərcüməçiliyin tətbiq edilməsi ola bilər".

Qeyd edək ki, fevralın 5-də “Əlilliyi olan şəxslərin hüquqları haqqında" qanuna dəyişiklik Milli Məclisin Əmək və sosial siyasət komitəsinin iclasında müzakirə olunaraq parlamentin plenar iclasına tövsiyə edilib. Layihəyə əsasən, dövlət əlilliyi olan şəxslərin məlumat əldə etmək hüququna təminat verir. Azərbaycan Respublikasının dövlət dilinin şifahi formada istifadəsi zamanı eşitmə qabiliyyəti tam məhdud olan şəxslər üçün Azərbaycan işarət dili ünsiyyət dili kimi rəsmi tanınır. Dövlət büdcəsindən maliyyələşən, habelə ictimai yayımçı statusuna malik olan ümumölkə yerüstü televiziya yayımçıları praym-taym zamanı yayımladıqları informasiya xarakterli proqramlarının Azərbaycan işarət dilinin tərcüməsi ilə müşayiət olunmasını təmin edirlər. Azərbaycan işarət dilinin tərcüməsini müvafiq təhsilə və ixtisasa malik olan şəxslər həyata keçirirlər. Dövlət tərəfindən audiovizual əsərlərin subtitrləşdirilməsi təşviq edilir.

Oxşar xəbərlər

Əlilliyi olan şəxslərin əl işlərinin satışı üçün xüsusi elektron portal yaradılacaq [xfgiven_updateblue][/xfgiven_updateblue]

Parlamentin şöbə müdiri: Əlilliyi olan şəxslər üçün yeni vergilər müəyyən olunmur, özünüməşğulluq təşəbbüsləri dəstəklənir [xfgiven_updateblue][/xfgiven_updateblue]

İsmət Səttarov: Televiziya və radiolarda peşəkar təhlil materialları çox aşağı səviyyədədir [xfgiven_updateblue][/xfgiven_updateblue]

Milli Məclisin payız sessiyası çərçivəsində son iclasının gündəliyi açıqlanıb [xfgiven_updateblue][/xfgiven_updateblue]

Əlilliyi olan şəxslər üçün yeni güzəştlər müəyyənləşir, vergi inzibatçılığı sadələşdirilir [xfgiven_updateblue][/xfgiven_updateblue]