Vətəndaşlardan daxil olan çoxsaylı şikayətləri nəzərə alaraq ölkə ərazisində praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının müəyyənləşdirilməsi məqsədilə Azərbaycan Respublikası səhiyyə nazirinin müvafiq əmri ilə Azərbaycan Respublikası Səhiyyə Nazirliyinin, Azərbaycan Respublikası Baş Prokurorluğunun, Azərbaycan Respublikası Daxili İşlər Nazirliyinin və Azərbaycan Respublikası Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası yaradılıb.

Sizinxeber.az xəbər verir ki, bu barədə Səhiyyə Nazirliyinin məlumatında qeyd edilib.

Bildirilib ki, Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər.

Mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq.

Oxşar xəbərlər

Səhiyyə Nazirliyi plastik cərrahlara müraciət edib [xfgiven_updateblue][/xfgiven_updateblue]

Səhiyyə Nazirliyindən plastik cərrahlara ÇAĞIRIŞ [xfgiven_updateblue][/xfgiven_updateblue]

Plastik cərrahlara sənədlərini Səhiyyə Nazirliyinə təqdim etmələri ilə bağlı xəbərdarlıq edilib [xfgiven_updateblue][/xfgiven_updateblue]

Plastik cərrahlara sənədlərini Səhiyyə Nazirliyinə təqdim etmələri ilə bağlı xəbərdarlıq olunub [xfgiven_updateblue][/xfgiven_updateblue]

Plastik cərrahların ixtisas sənədlərinin yoxlanması üçün Xüsusi Təftiş Komissiyası yaradılıb [xfgiven_updateblue][/xfgiven_updateblue]