Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin mütəxəssisləri tərəfindən ilin ötən dövründə 271 repatriantla sosial reabilitasiya işi aparılıb.

Bu barədə APA-ya Əmək və Əhalinin Sosial Müdafiəsi Nazirliyindən xəbər verilib.

Bildirilib ki, repatriasiya olunmuş hər bir şəxsin ilk növbədə sosial-psixoloji qiymətləndirilməsi həyata keçirilib. Bunun əsasında müvafiq sosial reabilitasiya planı hazırlanaraq, həmin plan üzrə sosial işçi və psixoloqlar tərəfindən sosial reabilitasiya prosesi həyata keçirilib.

Agentlik tərəfindən hazırda 47 repatriantla sosial iş çərçivəsində reabilitasiya xidmətləri davam etdirilir.

Qeyd edək ki, 2018-ci ildən bu günədək Agentlik 500-dən çox repatriantı sosial reabilitasiya xidmətləri ilə təmin edib.

Oxşar xəbərlər

Bu ilin ötən dövründə 271 repatriantla sosial reabilitasiya işi aparılıb

Məişət zorakılığından zərər çəkmiş 30 uşaq sosial reabilitasiya xidmətləri ilə təmin edilib

Əlilliyi olan 91 mindən çox şəxsə reabilitasiya xidmətləri göstərilib

Əlilliyi olan 25 min uşağa reabilitasiya xidmətləri göstərilib

Ukraynadan daha 30 uşaq Azərbaycana gətirilib