Gəncə şəhərin Gülüstan yaşayış massivində, Aydın Nəbiyev küçəsində asfalt örtüyü çökən ərazidə tədbirlər görülür.

APA-nın yerli bürosunun xəbərinə görə, bu barədə Gəncə şəhər İcra Hakimiyyətindən bildirilib.

Qeyd olunub ki, sözügedən ərazidə bir müddət əvvəl "Açıq Kommunal İnfrastruktur Proqramı II" layihəsi çərçivəsində içməli su və çirkab su xətləri yenilənib. İşlər yekunlaşdıqdan sonra isə yol asfaltlanıb. Hazırda çökmüş yolun asfalt örtüyünün bərpa edilməsi istiqamətində işlər aparılır.

***

12.34

Gəncədə bir müddət əvvəl çəkilən asfalt çöküb.

APA-nın yerli bürosunun məlumatına görə, hadisə şəhərin Gülüstan qəsəbəsində qeydə alınıb.

Qəsəbənin Aydın Nəbiyev küçəsində kanalizasiya xətti quraşdırılıb, bir müddətdən sonra əraziyə yeni asfalt örtüyü çəkilib. Sonradan yolun hərəkət hissəsinin asfaltı çöküb.

Bu, avtomobillərin hərəkətində çətinliklər yaradıb.

Asfalt örtüyü çökən ərazidə bərpa işlərinə başlanıb. Küçəyə texnika cəlb olunub.

Oxşar xəbərlər

Gəncədə yeni çəkilən asfalt yol çöküb - FOTO

Gəncədə bir neçə qanunsuz tikintinin qarşısı alınıb

Gəncədə 49 yaşlı kişi bıçaqlanıb

Gəncədə "Zəfərin mübarək, Azərbaycan!" adlı konsert proqramı keçirilib - FOTO

Gəncədə minik avtomobili qazılan yolda torpaq təpəsinə çırpılıb