Ölkəmizdə səfərdə olan “URGENCES PANAFRICANISTES” QHT-sinin rəhbəri, Niger dövlət başçısının xüsusi müşaviri, jurnalist Kemi Seba 1 saylı Bakı DOST Mərkəzində olub.

Bu barədə APA-ya Əmək və Əhalinin Sosial Müdafiəsi Nazirliyindən məlumat verilib.

Bildirilib ki, DOST Agentliyinin İdarə Heyətinin sədri Fərid Məmmədov DOST konsepsiyasının innovativ üstünlükləri və nailiyyətləri barədə məlumat verib.

Prezident İlham Əliyevin Fərmanı ilə 2019-cu ilin may ayında DOST Agentliyi və bundan sonra 7 DOST Mərkəzinin, 1 DOST filialı və 1 “Smart DOST” məntəqəsinin açıldığı bildirilib.

Birinci vitse-prezident Mehriban xanım Əliyevanın təşəbbüsü olan DOST konsepsiyası əsasında sosial sahələr üzrə 160 xidmətin “bir pəncərə”dən, operativ, şəffaf, vətəndaş məmnunluğuna uyğun təqdim edildiyi vurğulanıb.

DOST Agentliyinin beynəlxalq uğurları da qeyd olunub. K.Seba mərkəzdəki xidmət bölmələri, xidmətlərin göstərilməsi prosesi ilə tanış olub. Daha sonra DOST konsepsiyasına dair təqdimat edilib.

Oxşar xəbərlər

Rusiya nümayəndə heyəti 5 saylı Bakı DOST Mərkəzində olub

DOST Agentliyinin yaradılmasından 6 il ötür

Bu il Laçın və Füzulidə “Smart DOST” məntəqələri yaradılacaq

Qarabağ Regional DOST Mərkəzinin açılışından 1 il ötür