ABŞ-nin Stanford Univeristeti 2024-cü il üçün dünyanın ən yaxşı 2 % alimlərinin (World's Top 2% Scientists) siyahısını açıqlayıb.

Bu barədə Sizinxeber.az-ya universitetin mətbuat xidmətindən məlumat verilib.

Bildirilib ki, dünya elm adamlarının fəaliyyətinin qiymətləndirilməsi məqsədilə hazırlanan siyahıda Azərbaycan Dövlət İqtisad Universitetinin (UNEC) 3 alimi də yer alıb.

Siyahıya əsasən, UNEC-in Kompozit materiallar Elmi-Tədqiqat Mərkəzinin tədqiqatçıları Tural Nağıyev, Elçin Vəliyev və UNEC Avropa İqtisadiyyatı Mərkəzinin tədqiqatçısı Andrea Gatto dünyanın TOP 2 faiz ən yaxşı alimləri sırasındadır.

Qeyd edilib ki, reytinq siyahısı dünyanın ən böyük və nüfuzlu akademik nəşriyyatı olan “Elsevier” şirkətinin “Scopus” bazasının bir il əvvəlki məlumatları əsasında tərtib edilir. Siyahı iki mərhələdə həyata keçirilir. İlkin mərhələdə ən azı 5 məqaləsi “Scopus” bazasında indeksləşən alimlər seçilir. Sonrakı seçim isə keyfiyyət göstəriciləri əsasında (istinadların ümumi sayı, özünə istinadlar nəzərə alınmadan istinadların sayı, h-indeksi, hm-indeksi, təkmüəllifli məqalələrə istinadların sayı və s.) aparılır.

Oxşar xəbərlər

UNEC qlobal reytinqdə 684 pillə irəliləyib

UNEC-ə 600-dən çox bal toplayaraq qəbul olanların sayı 89 faiz artıb

Beynəlxalq Mühasiblər Federasiyasının (İFAC) prezidenti UNEC-də olub

UNEC-də 8 ixtisas üzrə keçid balı 600-dən yüksək olub

UNEC-in “Açıq qapı” günlərində 800-dən çox abituriyent iştirak edib