Avqustun 17-də Astara rayonunun Suparibağ kəndi ərazisində qəsdən adam öldürülməsinə dair Astara rayon prokurorluğuna məlumat daxil olub.

Rayon prokurorluğundan APA-ya verilən məlumata görə, araşdırma zamanı 2004-cü il təvəllüdlü Vüsal Əliyevin aralarında yaranmış mübahisə zamanı tanışı 1959-cu il təvəllüdlü İskəndər Məmmədova bıçaqla xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı Astara rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Vüsal Əliyev polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.

Cinayət işi üzrə ibtidai istintaq davam etdirilir.

Oxşar xəbərlər

Astarada 66 yaşlı kişini qətlə yetirən 21 yaşlı gənc barəsində cinayət işi başlanılıb

Qaradağda qəsdən adam öldürməkdə şübhəli bilinən şəxs tutulub

Bakıda tanışını öldürməkdə şübhəli bilinən şəxs tutulub - YENİLƏNİB

Bakıda ər arvadını qətlə yetirib

Abşeronda 38 yaşlı qadın qətlə yetirilib, dayısı saxlanılıb - YENİLƏNİB