Ağdərənin Həsənriz və Ağdamın Sarıcalı kəndlərinə növbəti köç yola salınıb

Ağdərə və Ağdam rayonunlarına növbəti köç yola salınıb.

Sizinxeber.az-nın xəbərinə görə, bu gün Ağdərə rayonunun Həsənriz kəndi və Ağdam rayonunun Sarıcalı kəndinə növbəti köç yola salınıb.

Bu ərazilərə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Bu mərhələdə 40 ailə (146 nəfər) Həsənrizə, 1 ailə (4 nəfər) isə Sarıcalıya köçürülür.