Niderlandın “ING Group” şirkəti Azərbaycan Mərkəzi Bankının (AMB) 2025-ci ildə uçot dərəcəsini 7,25 %, 2026-ci ildə isə 7,75 % səviyyəsində proqnozlaşdırıb.

“Report” şirkətin açıqladığı proqnozlarına istinadən xəbər verir ki, bu, daha əvvəl açıqlanan proqnoza nisbətən müvafiq olaraq 0,25 faiz bəndi çoxdur.

Qeyd edək ki, AMB-nin İdarə Heyəti ötən il dekabrın 18-də uçot dərəcəsinin 7,25 % səviyyəsində saxlanılması barədə qərar qəbul edib. Faiz dəhlizinin aşağı həddi 6,25 %-də, yuxarı həddi isə 8,25 %-də saxlanılıb.

AMB-nin bununla bağlı növbəti qərarı yanvar ayında verəcəyi gözlənilir. “ING Group” bu iclasda uçot dərəcəsinin 7,25 % olacağı ilə bağlı qərar veriləcəyini proqnozlaşdırır.

Oxşar xəbərlər

ING Azərbaycanda 2025-2026-ci illər üçün uçot dərəcəsi ilə bağlı gözləntilərini açıqlayıb

ING Azərbaycanda 2024-2025-ci illər üçün uçot dərəcəsi ilə bağlı proqnozunu dəyişib

Rusiya Mərkəzi Bankı uçot dərəcəsini 19 %-ə qaldırıb

ING Azərbaycanda 2025-ci il üçün iqtisadi artım proqnozunu açıqlayıb