2025-ci ildən Azərbaycanda fəaliyyət göstərən bankların Hesab Məlumatları Xidməti göstərməsi planlaşdırılır.

Bu barədə "Sizinxeber.az"un sorğusuna cavab olaraq Azərbaycan Mərkəzi Bankından (AMB) bildirilib.

Məlumata görə, qurumun İdarə Heyətinin təsdiqlədiyi "2024-2026-cı illərdə maliyyə sektorunun inkişaf Strategiyası” çərçivəsində yerli sektorlarda tənzimləmə mühitinin inkişafı təşəbbüsü ilə “Açıq bankçılıq” yanaşmasının tətbiqinin sürətləndirilməsi və “Açıq maliyyə” yanaşmasına keçidin təmin edilməsi nəzərdə tutulub. Gələn il AMB Hesab Məlumatları Xidməti (AİS) üzrə testləri bitirməyi və istehsalat mühitində banklara müvafiq həlli təqdim etməyi planlaşdırır. Ödəniş Əməliyyatları Xidməti (PİS) üzrə yeni funksionallığın da istifadəyə verilməsi nəzərdə tutulub. Bank və AMB-dən müvafiq lisenziyalar əldə etmiş elektron pul və yaxud ödəniş təşkilatlarının inteqrasiyası planlaşdırılır. Eyni zamanda “Açıq maliyyə” yanaşması üzrə konsepsiyasının formalaşdırılması və təsdiqi nəzərdə tutulub.

Bu həllərə ilk olaraq kommersiya banklarının inteqrasiyasının tamamlanması, daha sonra AMB-dən müvafiq lisenziyaların əldə etmiş elektron pul və yaxud ödəniş təşkilatlarının qoşulması nəzərdə tutulub.

"Yerli sektor və beynəlxalq bazar üzrə araşdırmaların aparılması və təhlili nəticəsində ölkəmizin bank sektorunun infrastruktur səviyyəsində “Açıq Bankçılıq” yanaşmasının tətbiqinə hazır olduğu müəyyən edilib", - deyə məlumatda qeyd olunub.

Oxşar xəbərlər

AMB qanunsuz fəaliyyət göstərən ödəniş bazarı iştirakçılarına xəbərdarlıq edib

Mərkəzi Bank COP29 zamanı maliyyə sektorunun iş rejimini açıqlayıb

AMB: Azərbaycanda yeni maliyyə alətlərinin hüquqi bazası formalaşdırılacaq

Azərbaycanda nəhəng layihələr üzrə "Dayanıqlı Maliyyə hesabatı" təsdiqedici sənəd kimi tələb edilə bilər

Hökumət Ödəniş Portalının saytı və mobil tətbiqi fəaliyyətini dayandırıb