"Bakı Fond Birjası" QSC-nin (BFB) nümayəndə heyəti ABŞ-ın "J.P.Morgan" şirkətinin İnkişafın Maliyyələşdirilməsi İnstitutunun rəhbəri Arsalan Mahtafarla görüşüb.

"Report" bu barədə BFB-yə istinadən xəbər verir.

Məlumata görə, görüşdə Azərbaycanın iqtisadi göstəricilərini, Birjanın inkişaf yolunu, strateji hədəflərini və cari vəziyyətini əks etdirən təqdimat nümayiş etdirilir.

Tərəflər hər iki qurum arasında əməkdaşlıq təşəbbüslərini müzakirə ediblər. Davamlı inkişafa yönəldilmiş layihələrin maliyyələşdirilməsi üçün investorların cəlb olunması, müasir texnologilayar və həllərin təqdim edilməsi, risklərin diversifikasiyası üçün maliyyə alətlərinin tətbiqi müzakirənin əsas mövzuları olub.

Azərbaycanın kapital bazarında beynəlxalq təcrübənin tətbiqi, ekosistemin, şəffaflıq və bazar etibarının gücləndirilməsi BFB-nin önəm verdiyi əsas məsələlərdəndir.

Oxşar xəbərlər

Azərbaycan və BƏƏ-nin kapital bazarları arasında əməkdaşlıq əlaqəsi qurulub

Azərbaycan və Qazaxıstan fond bazarının inkişaf perspektivini müzakirə edib

"Bakı Fond Birjası" növbəti 3 ildə 7 əsas strateji təşəbbüslə çıxış edəcək

Azərbaycan Mərkəzi Bankı "Bakı Fond Birjası"na xəbərdarlıq edib

AFBİA: Kapital bazarında alət qıtlığı investorların marağının qarşısını alır