Bitkoinin kriptovalyutasının qiyməti 99 min dollardan yuxarı qalxaraq öz tarixi rekorduna imza atıb.

“Sizinxeber.az” xəbər verir ki, Bakı vaxtı ilə 07:17-də “Binance” platformasında Bitkoinin dəyəri 99,136 min dollara, 07:33-də isə 98,598 min dollara çatıb.

Ekspertlərin fikrincə, bitkoin yaxın günlərdə 100 min dollar həddini keçə bilər.

Kriptovalyutanın bahalaşmasına səbəb kimi ABŞ-ın yeni seçilən prezidenti Donald Trampın vədləri, geosiyasi böhranlar zamanı bitkoin və steyblkoinlərin potensial müdafiə aktivi kimi qəbul edilməsi göstərilir.

Qeyd edək ki, bitkoin blokçeyn texnologiyasına əsaslanan eyniadlı kriptovalyutanın mərkəzləşdirilməmiş sistemidir. Konsepsiya 2008-ci ilin noyabrında Satoşi Nakamoto təxəllüslü biri və ya müəlliflər qrupu tərəfindən dərc edilib.

Oxşar xəbərlər

Bitkoinin qiyməti tarixində ən yüksək səviyyəyə çatıb

Bitkoinin qiyməti bütün zamanların ən yüksək səviyyəsinə çatıb

Bitkoinin qiyməti 93,8 min dolları keçib

Bitkoinin qiyməti 97 min dolları ötüb