"Bakı Metropoliteni" QSC-nin Strateji inkişaf departamentinin rəisi vəzifəsinə təyinat olub.

Qurumdan "Sizinxeber.az-Economics"ə verilən məlumata görə, bu vəzifə Nərgiz Mustafayevaya həvalə edilib.

N.Mustafayeva əmək fəaliyyətinə 2002-ci ildə “Əsrin müqaviləsi” çərçivəsində “Azəri-Çıraq-Günəşli” layihəsi üzrə Azərbaycan Beynəlxalq Əməliyyat Şirkətində başlayıb. 2006-ci ildən etibarən BP şirkətində “Ekologiya və ətraf mühitin mühafizəsi” üzrə müşavir vəzifəsini icra edib. Ətraf mühitə təsirin analitik qiymətləndirilməsi, bu istiqamətdə bir sıra iri layihələrin idarə edilməsində qrup rəhbəri vəzifələrində çalışıb. 2012-ci ildən etibarən Azərbaycan, Gürcüstan və Türkiyə regionunun “Komplyans , Maraqların qorunması ve Ekoloji hüquqi normalar” üzrə şöbə müdiri vəzifəsini icra edib. 2018-ci ildən BP şirkətinin “Hasilat, Quyuqazma, Təhlükəsizlik və Əməliyyat riskləri üzrə Modernizasiya və Transformasiya müşaviri” vəzifəsində əmək fəaliyyətinə davam edərək BP şirkətinin strateji inkişaf və transformasiya istiqamətlərini idarə edib. 2019-cu ildən Orta Şərq, Afrika, Asiya və Avstraliya üzrə Agility (Çeviklik) departamentinin regional rəhbəri vəzifəsini daşıyıb.

Oxşar xəbərlər

“AzerGold” QSC ekoloji sahədə “2024-cü ilin ən yaxşı tərəfdaşı” nominasiyası üzrə təltif edilib

“Aqrar Tədarük Təchizat” ASC-ə yeni sədr təyin edilib

Təhsil İnstitutunda yeni təyinatlar olub

İraq Kürdüstan Regionunun başçısı Neçirvan Bərzani COP29-a dəvət edilib

Rəqəmsal inkişaf və nəqliyyat nazirinə yeni müşavir təyin edilib