“AirBaltic” aviaşirkəti 2025-ci ilin yay mövsümü üçün 19 marşrut üzrə uçuşları ləğv edir.

“Report” xəbər verir ki, bu barədə “Baltnews” məlumat yayıb.

"Mühərrik istehsalçısının texniki xidmətlə bağlı öhdəliklərini vaxtında yerinə yetirməməsi aviaşirkətin “Airbus A220-300” təyyarə parkının iş qabiliyyətinə təsir göstərib və bu da onu yay mövsümünün cədvəlinə dəyişikliklər etməyə vadar edib", - şirkətin məlumatında bildirilir.

“AirBaltic” aviaşirkəti “Pratt & Whitney” şirkətindən 2025-ci ildə bəzi “A220-300” təyyarələrinin mühərrik çatışmazlığı səbəbindən istismardan çıxarılacağı barədə məlumat alıb.

Şirkət 19 marşrut üzrə uçuşların ləğvi ilə yanaşı, müxtəlif bazalarında 21 marşrut üzrə uçuş tezliyini də azaldır. Ümumilikdə 4670 reys ləğv ediləcək ki, bu da təxminən 67160 sərnişinə təsir edəcək.

“AirBaltic” Riqa, Tallin, Vilnüs, Tampere və mövsümi olaraq Qran-Kanariyadan 130-dan çox marşruta xidmət göstərir.

Oxşar xəbərlər

Məşhur aviaşirkət 90 reysi ləğv edib

Yaxın Şərqdəki münaqişə region ilə hava əlaqəsini iflic edib

Yunanıstan aviaşirkəti Beyrut, Əmman və Təl-Əvivə uçuşların ləğvi müddətini uzadıb