Pakistanın Baş naziri Şahbaz Şərif “Bir kəmər, bir yol” və “Şimal-Cənub” beynəlxalq nəqliyyat dəhlizi layihələrinin genişləndirilməsinə nail olmağı vacib hesab edir.

“Report” xəbər verir ki, bu barədə “İnterfaks” “Dawn” nəşrinə istinadən məlumat yayıb.

“Çin sədri Si Cinpinin təşəbbüsü olan “Bir kəmər, bir yol”, ikinci mərhələsi həyata keçirilən Çin-Pakistan İqtisadi Dəhlizi və “Şimal-Cənub” beynəlxalq nəqliyyat dəhlizi kimi flaqman layihələr genişləndirilməli, avtomobil və dəmir yolu şəbəkələrinin, rəqəmsal infrastrukturun inkişafına diqqət ayrılmalıdır”, - İslamabadda Şanxay Əməkdaşlıq Təşkilatının (ŞƏT) iclasına sədrlik edən Ş.Şərif bildirib.

O qeyd edib ki, ŞƏT təkcə ticarəti genişləndirməklə kifayətlənməməli, vahid Avrasiya perspektivini də təşviq etməlidir.

Baş nazirin sözlərinə görə, regionda infrastruktur layihələrinə sərmayə qoymadan iqtisadi inteqrasiyaya nail olmaq mümkün deyil.

Oxşar xəbərlər

Mixail Mişustin: “Şimal-Cənub” nəqliyyat dəhlizi ticarət üçün yeni imkanlar açacaq”

Azərbaycanın nəqliyyat dəhlizlərində yük dövriyyəsi 2 %-dən çox artıb

Qətər “Şimal-Cənub” beynəlxalq nəqliyyat dəhlizinə maraq göstərir

Rusiya XİN: “Şimal-Cənub” dəhlizi nəqliyyat və logistika sektorunda fokus fenomenə çevrilib

ADY: Şimal-Cənub dəhlizi ilə tranzit yük daşımalarının həcmi 25 % artıb