Sentyabrın 25-də, saat 10:00-da Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyində “Açıq qapı” günü keçiriləcək.

"Report" nazirliyə istinadən xəbər verir ki, məqsəd dənizçilərin sertifikatlaşdırılması, bilik və bacarıqlarının qiymətləndirilməsi sahəsində həyata keçirilən islahatlar barədə dənizçilərin maarifləndirilməsi, onların sual və təkliflərinin yerində dinlənilərək operativ şəkildə cavablandırılmasıdır.

İştirak etmək istəyən dənizçilər müvafiq məlumatları (ad, soyad və əlaqə nömrəsi) [email protected] e-poçt ünvanına göndərərək qeydiyyatdan keçə bilərlər.

Agentliyin göstərdiyi xidmətlərlə bağlı vətəndaş məmnunluğunun təmin olunması məqsədilə “Açıq qapı” günlərinin mütəmadi olaraq keçirilməsi nəzərdə tutulur.

Bu barədə qurumun rəsmi veb-saytında və sosial şəbəkə hesablarında məlumat veriləcək.

Oxşar xəbərlər

Dövlət Dəniz və Liman Agentliyi auditor seçib

Türkiyə-Azərbaycan Universiteti ilə bağlı "Açıq qapı" günü keçirilir

Azərbaycanda dəniz limanı infrastrukturunun dövlət mülkiyyətində olan obyekti icarəyə veriləcək

Azərbaycanda “Dəniz limanları haqqında” qanun dəyişib

Avrora şirkəti "Açıq qapı" günü elan edir!