Qazaxıstan Azərbaycan və Mərkəzi Asiya regionunun digər ölkələri ilə qaz sahəsində əməkdaşlığın genişləndirilməsinin tərəfdarıdır.

"Sizinxeber.az" Qazaxıstan Respublikasının Energetika Nazirliyinə istinadən xəbər verir ki, bunu ölkənin energetika naziri Almasadam Satkaliyev deyib.

Nazir bu gün Astanada Asiya ölkələrinin energetika nazirlərinin birinci iclasında çıxışı zamanı xatırladıb ki, Qazaxıstan hazırda Azərbaycan və Özbəkistanla "yaşıl enerji"nin inkişafı və ötürülməsi sahəsində qlobal layihə həyata keçirməyə başlayır.

O əlavə edib ki, ölkə Qırğızıstan və Özbəkistanla Kambarata SES-1 irimiqyaslı su elektrik stansiyasının tikintisini də fəal şəkildə müzakirə edir.

“Bununla əlaqədar olaraq mən region dövlətləri ilə xüsusilə qaz sahəsində analoji layihələrin həyata keçirilməsi imkanlarını nəzərdən keçirməyi təklif edirəm”, - A.Satkaliyev bildirib.

Onun sözlərinə görə, bu gün Mərkəzi Asiya ölkələri enerji resurslarının təchizatında sabitliyin qlobal şəkildə pozulması, neft və qaz qiymətlərinin dəyişməsi və digər çağırışlarla üzləşir.

“Enerji təchizatının etibarlılığını təmin etmək üçün bu çağırışların proqnozlaşdırılması və idarə edilməsi ilə bağlı mexanizmlər hazırlanmalı, həmçinin ölkələrimiz arasında əməkdaşlıq gücləndirilməlidir”, - qazaxıstanlı nazir təklif edib.

O həmçinin həmkarlarını enerji ticarəti imkanlarını genişləndirməklə əməkdaşlığı gücləndirmək üçün işlərini aktivləşdirməyə, eləcə də aşağı karbonlu istiqamətin inkişafını, karbon neytralllığına nail olmağı və mərhələli enerji keçidini təmin etməyə çağırdı.

Oxşar xəbərlər

Azərbaycan Orta Asiya ölkələri energetika nazirlərinin birinci iclasında iştirak edəcək

Tokayev regional fiber-optik rabitə xəttinin çəkilməsini təklif edib

Qazaxıstan Azərbaycan ərazisindən “yaşıl enerji” tədarük edəcək

Astanada Azərbaycan-Qazaxıstan Birgə Hökumətlərarası Komissiyasının 20-ci iclası keçirilir

Qazaxıstan Azərbaycana 1 milyon tondan çox buğda tədarük etməyə hazırdır