Bu gün Türkiyənin Kilis şəhərində tarixi bir ana şahidlik edirik.

"Report"un Kilisə ezam olunmuş müxbirinin verdiyi məlumata görə, bunu Türkiyənin enerji və təbii sərvətlər naziri Alparslan Bayraktar deyib.

Onun sözlərinə görə, Türkiyə-Suriya dostluğunun enerji sahəsində ən önəmli nişanı olan Türkiyə-Suriya təbii qaz boru kəməri xəttinin açılışı üçün toplaşmışıq.

"Bu beynəlxalq layihədə birliktə çalışdığımız Suriya, Azərbaycan və Qətərə təşəkkür edirəm. Bu təbii qaz boru xəttinin ölkələrimiz və xalqlarımıza bərəkət və rifah, bölgəmizdə isə sülh gətirməsini diləyirəm", - nazir bildirir.

SOCAR ilə birlikdə Azərbaycan qazının Türkiyə-Suriya sərhədində təhvil verilməsini nəzərdə tutan “swap” (mübadilə) razılaşmasının imzalandığını bildirən Türkiyə Respublikasının energetika və təbii sərvətlər naziri Alparslan Bayraktar kədərli və sevincli günlərdə daim Türkiyənin yanında olan Azərbaycanın bu layihədə də dəstəyini əsirgəmədiyini qeyd edib. Azərbaycanın təbii qazının Kilis vasitəsilə Suriyaya ixrac olunacağını söyləyən nazir “Yavuzlu Ölçmə” Stansiyasından gündəlik 6 milyon kubmetr təbii qazın nəql olunacağını bildirib.

A. Bayraktar Suriyaya qaz ixracı nəticəsində oradakı elektrik stansiyalarının da yaxın zamanda fəaliyyətə başlayacağını deyib. İlkin mərhələdə Suriyaya ildə 2 milyard kubmetrə qədər təbii qaz ixracı mümkün olacaq. Bu təbii qaz vasitəsilə təqribən 1200 meqavatlıq quraşdırılmış güc aktivləşəcək. Bu layihə Suriyada həyatın normallaşmasına çox ciddi töhfə verəcək, insanların həyat səviyyəsini yüksəldəcək və ölkəyə geri qayıdış prosesini sürətləndirəcək.

Oxşar xəbərlər

Alparslan Bayraktar: "Azərbaycan qazının Suriyaya tədarükü avqustun 2-də başlayacaq"

Mikayıl Cabbarov: Azərbaycan Cənubi Qafqaz ilə Yaxın Şərq arasında yeni enerji körpüsünün əsasını qoyur

Alparslan Bayraktar: “Cənub Qaz Dəhlizinin potensialından tam istifadə edilməsinə hazırıq”

Türkiyənin Energetika Nazirliyi: Suriyadakı sabitlik Avropaya qaz nəqlinə imkan verəcək

Alparslan Bayraktar: Rusiyadan qaz idxalına təsir edəcək istənilən qərarın əleyhinəyik