Bu ilin I yarısında Azərbaycan gömrük bəyannamələrinə əsasən 12 milyon 46 min 352,5 ton həcmində bitumlu süxurlardan alınmış xam neft və neft məhsulları ixrac edib.

Bu barədə “Report” Dövlət Gömrük Komitəsinə istinadən xəbər verir.

Yanvar-iyun aylarında Azərbaycandan ixrac edilən xam neftin dəyəri 6 milyard 409 milyon 319,05 min ABŞ dolları təşkil edib.

Ötən ilin eyni dövrü ilə müqayisədə ixrac edilmiş xam neftin həcmi 8,5 % artıb, dəyəri isə 8,6 % azalıb.

6 ayda Azərbaycanın ümumi ixracında bitumlu süxurlardan alınmış xam neft və neft məhsullarının payı 49,8 % olub.

Bu ilin yanvar-iyun aylarında Azərbaycan xarici ölkələrlə 24 milyard 400 milyon ABŞ dolları dəyərində ticarət əməliyyatı aparıb. Xarici ticarət dövriyyəsinin 12 milyard 878 milyon ABŞ dolları ixracın, 11 milyard 522 milyon ABŞ dolları isə idxalın payına düşüb. Son 1 ildə ixrac 0,2 % az, idxal isə 29,9 % artıb.

Oxşar xəbərlər

Azərbaycan I rübdə neft ixracını 7 %-dən çox artırıb

Bu il Azərbaycan 14 milyon tondan çox neft ixrac edib

Bu il Azərbaycan 20 milyon tondan çox neft ixrac edib

Azərbaycanın I yarımildə ixrac etdiyi neft məhsullarının həcmi açıqlanıb

Azərbaycanın ixrac etdiyi neft məhsullarının həcmi 16 %-dən çox artıb