Azərbaycan və Özbəkistan pambıq klasteri layihəsi çərçivəsində 2 min hektar sahədə əkin aparıb və bu rəqəmi 6 min hektara çatdırmağı planlaşdırır.

"Report"un məlumatına görə, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev IV Daşkənd Beynəlxalq İnvestisiya Forumu çərçivəsində təşkil olunmuş "Azərbaycan - Özbəkistan: İqtisadi Tərəfdaşlığın Vektoru" panel sessiyasında bildirib.

"Bu mövsüm daha bir neçə hektar sahə hazırlanıb və artıq ilk məhsulu gözləyirik", - deyə o qeyd edib.

Bundan başqa, icraçı direktor qeyd edib ki, iki ölkə avtomobil sənayesi sahəsində də əməkdaşlığı davam etdirir: "Artıq birgə müəssisəmiz 9 min ədəd "Chevrolet" markalı avtomobil istehsal edib. Bu, "Made in Azerbaijan" və "Made in Uzbekistan" brendlərini gücləndirir".

Oxşar xəbərlər

Özbəkistan şirkəti Azərbaycanda pambıqçılıq klasteri yaradır

Azərbaycan-Özbəkistan iqtisadi tərəfdaşlığının gücləndirilməsi müzakirə olunacaq

Azərbaycan-Özbəkistan investisiya şirkəti 15 layihənin maliyyələşdirilməsini nəzərdən keçirir

AZPROMO Latviyaya ixrac missiyası təşkil edəcək

AZPROMO “Made in Azerbaijan” tədris planı əsasında növbəti modulu icra edib