Kabulda Peşəkar Xalçaçılıq Mərkəzinin yaradılması layihəsinin maliyyələşdirilməsi haqqında saziş imzalanıb.

“Sizinxeber.az” İslam Əməkdaşlıq Təşkilatına (İƏT) istinadən xəbər verir ki, saziş İƏT-in Əfqanıstandakı missiyası, Azərbaycan Beynəlxalq İnkişafa Yardım Agentliyi (AIDA) və Azərbaycanın Kabuldakı səfirliyi arasında bağlanıb.

"Ənənəvi əfqan sənətkarlığının qorunması və inkişafı üçün xalçaçılıq üzrə texniki və peşəkar təlim mərkəzinin yaradılması" adlı layihə Əfqanıstanda xalçaçılıq ənənələrinin qorunması və təbliğinə yönəlib. Təşəbbüs çərçivəsində yerli ustaların, ilk növbədə, qadınlar və gənclərin təlim keçməsi planlaşdırılır.

"AIDA-nın maliyyə dəstəyi ilə bu təşəbbüs çərçivəsində müasir toxuculuq texnologiyaları, biznesin inkişafı və bazarlara çıxış üzrə təlimlər təşkil ediləcək ki, bu da yaşayış vasitələrinin davamlı şəkildə təmin edilməsinə və iqtisadi perspektivlərin gücləndirilməsinə töhfə verəcək", - İƏT-dən bildirilib.

Oxşar xəbərlər

Əfqanıstanda “Əfşar Ulduzu” Tədris Mərkəzi fəaliyyətə başlayıb

ADY dəmir yolu sektorunun rəqəmsallaşdırılması çərçivəsində İT akademiyası yaradacaq

AİM-in rəhbəri: "Qarabağ Universiteti ilə elmi-tədqiqat laboratoriyalarının yaradılması planlaşdırılır"