Azərbaycan ilə İspaniya arasında iqtisadi-ticarət əlaqələrinin genişləndirilməsi, investisiya əməkdaşlığının təşviqi, ixracın maliyyələşdirilməsi imkanları, birgə layihələrin reallaşdırılması müzakirə olunub.

"Report" bu barədə İqtisadiyyat Nazirliyinə istinadən xəbər verir.

Bununla bağlı müzakirələr İspaniyaya işgüzar səfər çərçivəsində iqtisadiyyat nazirinin birinci müavini Elnur Əliyevin bir sıra şirkət və maliyyə institutlarının rəhbərləri ilə görüşlərində aparılıb.

Məlumata əsasən, İspaniyanın İxrac Kredit Agentliyinin (CESCE) icraçı direktoru Pablo de Ramon-Lasa Klausen ilə görüşdə ixrac kreditləri, sığorta mexanizmləri, Azərbaycan biznes subyektlərinin İspaniya avadanlıqlarının idxalı üçün maliyyə resurslarına çıxış imkanları və Azərbaycan Biznesinin İnkişafı Fondu ilə əməkdaşlıq perspektivləri müzakirə olunub. Tərəflər sahibkarların beynəlxalq maliyyə alətlərindən istifadə imkanlarının genişləndirilməsinin əhəmiyyətini vurğulayıblar.

"Grupo Azvi" şirkətinin prezidenti və baş icraçı direktoru Manuel Kontreras Karo ilə görüşdə Azərbaycanın tranzit-logistika potensialı, ölkədə həyata keçirilən iri infrastruktur layihələri və bu istiqamətdə xarici tərəfdaşlarla əməkdaşlığın perspektivləri barədə məlumat verilib. Nəqliyyat, infrastruktur və mühəndislik sahələrində əməkdaşlıq imkanları nəzərdən keçirilib.

"Fomento al Desarrollo del Comercio Internacional SL" şirkətinin baş direktoru Juan Sebastian Garrigues Diaz-Llanos ilə görüşdə isə ticarət əlaqələrinin inkişafı, investisiyaların təşviqi, özəl sektorlar arasında tərəfdaşlığın genişləndirilməsi və yeni biznes təşəbbüslərinin dəstəklənməsi müzakirə olunub.

Oxşar xəbərlər

Azərbaycan və İspaniya arasında iqtisadi əlaqələrin inkişafı müzakirə edilib

Azərbaycan İspaniyanın texnoloji həllərində və texnologiya transferində maraqlıdır

Azərbaycan və İspaniya iqtisadi əməkdaşlıq perspektivlərini müzakirə edib

Azərbaycan və İspaniya arasında tərəfdaşlığa dair Yol xəritəsi qəbul edilib