Bu ilin yanvar-mart aylarında Azərbaycan 5 min 638 ton meşə fındığı ixrac edib.

"Report" Dövlət Gömrük Komitəsinə istinadən xəbər verir ki, bu həcmdə meşə fındığının dəyəri 68 milyon 632 min ABŞ dolları olub.

Bunlar, ötən ilin eyni dövrü ilə müqayisədə həcm baxımından 756,76 ton (11,8 %) az, dəyər baxımından isə 25 milyon 293 min dollar (58,3 %) çoxdur.

Hesabat dövründə meşə fındığı ixracından əldə olunan gəlir Azərbaycanın ümumi ixrac gəlirlərinin 1,2 %-ni təşkil edib.

Qeyd edək ki, bu ilin yanvar-mart aylarında Azərbaycan xarici ölkələrlə 9 milyard 407 milyon ABŞ dolları dəyərində ticarət əməliyyatı aparıb. Bu, ötən ilin eyni dövrünə nisbətən 21,9 % azdır.

Xarici ticarət dövriyyəsinin 5 milyard 402 milyon ABŞ dolları ixracın, 4 milyard 5 milyon ABŞ dolları isə idxalın payına düşüb. Son 1 ildə ixrac 15,4 % azalıb, idxal isə 29,3 % azalıb.

Son nəticədə xarici ticarətdə 1 milyard 398 milyon dollarlıq müsbət saldo yaranıb. Bu da illik müqayisədə 93,4 % çoxdur.

Oxşar xəbərlər

Azərbaycan meşə fındığı ixracından gəlirini 2 dəfə artırıb

Azərbaycanın pambıq ixracından gəliri 11 %-dən çox azalıb

Azərbaycan kakao ixracından gəlirini 27 %-ə yaxın artırıb

Azərbaycan şəkər ixracından gəlirini 34 % artırıb

Azərbaycan gübrə ixracından gəlirini 78 % artırıb