Avqustun 12-də İqtisadiyyat Nazirliyi yanında Əmlak Məsələləri Dövlət Xidməti (ƏMDX) təkrar pul hərracı keçirəcək.

Bu barədə "Report"a qurumdan bildirilib.

Məlumata görə, hərraca " Ağdaş Quşçuluq", " Cəlilabad Şərab ", "Salyan Broyler", "Şıxlar Broyler" və “Zaqatala Fındıq " ASC-lərin səhmləri çıxarılacaq.

Sifarişlər İqtisadiyyat Nazirliyi yanında ƏMDX-nın Əmlak Xidmətləri Məkanında (ünvan: Bakı şəhəri, Nizami rayonu, Xəlil Rza Ulutürk küçəsi, 20 ünvanında) və yaxud Xidmətin emlak.gov.az elektron xidmətlər portalı vasitəsilə hərracın keçirilməsinə ən geci 3 bank günü qalana qədər qəbul olunacaq. Məlumat yerləşdirildiyi gündən hərracda iştirak etmək arzusunda olan fiziki və hüquqi şəxslər səhmləri satışa çıxarılan müəssisələr barədə zəruri məlumatlarla xidmətin privatization.az portalında və emissiya prospektləri (özəlləşdirmə planları) ilə Hərracların Təşkili üzrə Auksion Mərkəzində tanış ola bilərlər.

Oxşar xəbərlər

Azərbaycanda 5 müəssisənin səhmləri təkrar pul hərracına çıxarılacaq

"Aqrarkredit" BOKT-a məxsus qeyri-yaşayış sahəsi hərraca çıxarılacaq

"Aqrarkredit" BOKT-a məxsus torpaq sahələri və fərdi yaşayış evləri hərraca çıxarılacaq

Azərbaycanda daha 55 nəqliyyat vasitəsi hərraca çıxarılacaq

Azərbaycanda daha 29 dövlət əmlakı hərraca çıxarılacaq