Mütəxəssislər günəş kremlərində yüksək qoruma faktoruna aldanmamağa çağırıblar. Bildirilib ki, SPF 30 və daha yüksək göstəricili kremlər dəri qorunması üçün kifayət edir.

BAKU.WS xəbər verir ki, Van Yüzüncü Yıl Universiteti Tibb Fakültəsinin Dermatologiya kafedrasının rəhbəri Hatice Uce Özkol saxta və keyfiyyətsiz günəş qoruyucularının ciddi dəri problemlərinə səbəb olduğunu açıqlayıb.

Onun sözlərinə görə, xüsusilə internet və nəzarətsiz satış nöqtələrindən alınan məhsullar bəzi hallarda xəstələrin reanimasiyaya yerləşdirilməsi ilə nəticələnib.

Dermatoloq bildirib ki, yay aylarında xüsusilə saat 10:00-15:00 aralığında birbaşa günəş şüalarından qorunmaq vacibdir. Bu saatlarda açıq havada qalındıqda mütləq günəş kremindən istifadə edilməlidir.

Mütəxəssis həmçinin qeyd edib ki, SPF 90 və ya 100 kimi çox yüksək göstəricilərin əlavə üstünlüyü yoxdur:

"SPF 30 və üzəri məhsullar kifayət qədər qoruma təmin edir. Əsas məsələ məhsulun keyfiyyəti və dəri tipinə uyğun seçilməsidir".

Həkimlər günəş kremlərinin yalnız apteklərdən və dermatoloq məsləhəti ilə alınmasını tövsiyə edirlər. Onların sözlərinə görə, ucuz və saxta məhsullar dəri ləkələri, yanıq və digər ciddi problemlərə səbəb ola bilər.

Oxşar xəbərlər

Günəş kremindən istifadə “D” vitamini istehsalına az təsir edir

Simsiz qulaqcıqlar elektrik vura bilər - XƏBƏRDARLIQ

Hövsanda bu saatdan qaz OLMAYACAQ

Bu küçədə hərəkət MƏHDUDLAŞACAQ

İtkin düşmüşdü - Meyiti zirzəmidə tapıldı