ABŞ Prezidenti Donald Tramp 4 İyul Müstəqillik Günü münasibətilə Vaşinqtonda irimiqyaslı bayram mitinqini elan edərək, ölkə tarixindəki ən böyük atəşfəşanlıq şousunu vəd edib və vətəndaşlara mühüm müraciət edəcəyini bildirib.

"Sizinxeber.az" xəbər verir ki, bu barədə Ağ Evin rəhbəri "Truth Social" sosial şəbəkəsində bildirib.

Trampın sözlərinə görə, tədbir "gözəl və təhlükəsiz Vaşinqtonda" Linkoln memorialı yaxınlığında keçiriləcək.

"4 iyulda Linkoln memorialı və Vaşinqton monumenti yaxınlığında biz indiyədək olanların ən möhtəşəm TRUMP RALLY mitinqini - "Amerikaya həsr"i keçirəcəyik", - ABŞ Prezidenti bildirib.

Tramp həmçinin tədbir üçün musiqi pleylistini şəxsən seçəcəyini bildirib və vurğulayıb ki, orada "tamaşaçıları yuxuya aparan və daim şikayətlənən" ifaçılar yer almayacaq.

Tramp özü proqram xarakterli nitqlə çıxış edəcək: "Mən qaçırmaq istəməyəcəyiniz əsas müraciətlə çıxış edəcəyəm".

"Proqramın sonunda bu tarixi hadisəni qeyd etmək məqsədilə, mən məhz burada, ölkəmizin paytaxtında tarixdəki ən böyük atəşfəşanlıq şousuna start verəcəyəm. Qaçırmayın", - Tramp bildirib.

Oxşar xəbərlər

Tramp Vaşinqtonda dünyanın ən böyük zəfər tağını ucaldacaq

Tramp: Vaşinqton dünyanın ən yüksək cinayətkarlıq səviyyəsinə malik şəhərlərindən biridir

Tramp mayın 19-da Putinə zəng edəcəyini bildirib

Tramp Ağ Evdə UFC döyüşünün keçiriləcəyini açıqlayıb

Tramp Hindistan və Pakistana ərazi mübahisəsinin həllinə kömək edəcəyini bildirib