ABŞ Belçikaya 236 milyon dollar dəyərində "AGM-184 Joint Strike Missiles" aviasiya raketlərinin və müvafiq avadanlıqların mümkün satışını təsdiqləyib.

"Report" xəbər verir ki, bu barədə ABŞ Dövlət Departamenti öz saytında bildirib.

"ABŞ Dövlət Departamenti Belçika hökumətinə "AGM-184 Joint Strike Missiles" raketlərinin və aidiyyəti avadanlıqların mümkün xarici hərbi satışını təsdiqləmək qərarına gəlib", - məlumatda bildirilib.

Dəqiqləşdirilib ki, bu satış ABŞ və Belçikanın xarici siyasət və milli təhlükəsizlik vəzifələrini dəstəkləyəcək, həmçinin Amerikanın "F-35" qırıcılarının imkanlarını genişləndirmək hesabına sonuncuya cari və gələcək təhdidlərə qarşı durmağa imkan verəcək.

Məlumatda qeyd olunub ki, Belçika hökuməti, həmçinin məxfi proqram təminatı, ABŞ hökumətinin və podratçıların mühəndis, texniki və logistik dəstək xidmətlərini və bir sıra digər mühüm komponentləri də sorğu edib.

Oxşar xəbərlər

ABŞ Rumıniyaya F-35 qırıcılarının satışını təsdiqləyib

Dövlət Departamenti Niderlanda 908 milyon dollarlıq raketin satışını təsdiqləyib

ABŞ Xorvatiyaya HIMARS raketdən müdafiə sistemlərinin satışını təsdiqləyib

ABŞ Dövlət Departamenti Ər-Riyada 1 milyard dollar dəyərində silah satışını təsdiqləyib

ABŞ Polşaya 1,33 milyard dollarlıq “hava-hava” raketlərinin satışını təsdiqləyib