ABŞ Konqresinin Senatı Kevin Uorşun Federal Ehtiyat Sisteminin (FES) Rəhbərlər Şurasına namizədliyini təsdiqləyib.

"Report" "Bloomberg"ə istinadən xəbər verir ki, onun namizədliyi 45-ə qarşı 51 səslə təsdiqlənib.

Səsvermə Uorşu dəstəkləyən demokrat senator Con Fetterman istisna olmaqla, partiyaların mövqelərinə uyğun olaraq (respublikaçılar - "lehinə", demokratlar - "əleyhinə") keçib.

Namizədliyi ABŞ Prezidenti Donald Tramp tərəfindən irəli sürülmüş Uorş 14 il müddətinə FES-nin Rəhbərlər Şurasının tərkibinə daxil olacaq.

Bununla belə, o hələ 4 il müddətinə tənzimləyicinin sədri olaraq təsdiqlənməyib. Senatın bu məsələ üzrə səsverməsinin çərşənbə günü keçirilməsi gözlənilir.

Qeyd edək ki, Cerom Pauellin FES sədri postunda səlahiyyət müddəti mayın 15-də başa çatır, lakin o, maliyyə tənzimləyicisinin Rəhbərlər Şurasında 2028-ci ilə qədər qala bilər. ABŞ Prezidenti Donald Tramp əvvəllər uçot dərəcəsinin çox ləng azaldılmasına görə FES-nin hazırkı rəhbərindən dəfələrlə narazılığını bildirmişdi.

Daha əvvəl ABŞ Senatının Bank Komitəsi Trampın təklif etdiyi Kevin Uorşun FES-nin yeni sədri postuna namizədliyini bəyənmişdi.

Oxşar xəbərlər

ABŞ Senatının Bank komitəsi Uorşun Federal Ehtiyat Sistemi rəhbəri vəzifəsinə namizədliyini təsdiqləyib

Pauell FES rəhbəri vəzifəsindən getdikdən sonra Rəhbərlər Şurasında qalacaq

Trampın FES rəhbəri vəzifəsinə namizədi Senatın təsdiqinə yaxınlaşır

Bloomberg: ABŞ maliyyə naziri Federal Ehtiyat Sisteminin sədri vəzifəsinə irəli sürülür

ABŞ Senatı Mallinin DTN rəhbəri vəzifəsinə namizədliyini təsdiqləyib