ABŞ Senatının Bank komitəsi Kevin Uorşun Federal Ehtiyat Sisteminin sədri vəzifəsinə namizədliyini təsdiqləyib.

"Report" ABŞ mediasına istinadən xəbər verir ki, səsvermə partiya xətti üzrə keçirilib: bütün 13 respublikaçı namizədin lehinə, bütün 11 demokrat isə əleyhinə səs verib.

Bu qərar onun namizədliyinin Federal Ehtiyat Sisteminin hazırkı sədri Cerom Pauellin səlahiyyət müddəti mayın 15-də başa çatana qədər Senat tərəfindən təsdiqlənməsinə imkan verəcək.

Çərşənbə günü Federal Ehtiyat Sisteminin ikigünlük iclası başa çatır.

Xatırladaq ki, yanvarın 30-da ABŞ Prezidenti Donald Tramp Uorşun Federal Ehtiyat Sisteminin Rəhbərlər Şurasının sədri vəzifəsinə namizədliyinin irəli sürüldüyünü elan edib. Federal Ehtiyat Sisteminin ehtiyatlı yanaşması Trampla faiz dərəcələrini prezidentin istədiyi kimi sürətlə aşağı salmaqdan imtina etdiyinə görə davamlı olaraq tənqidə məruz qalan Pauell arasında əsas fikir ayrılığı mənbəyi olub.

Oxşar xəbərlər

Bloomberg: ABŞ maliyyə naziri Federal Ehtiyat Sisteminin sədri vəzifəsinə irəli sürülür

Tramp: Federal Ehtiyat Sistemi baza dərəcəsini 1% səviyyəsində müəyyən etməlidir

KİV: Mask ABŞ Federal Ehtiyat Sisteminin xərclərinin yoxlanılmasını zəruri hesab edir

FED-in növbəti rəhbəri vəzifəsinə namizədlərin siyahısı azaldılıb

ABŞ Federal Ehtiyat Sistemi baza faiz dərəcəsinin tədricən azaldılmasını gözləyir