Böyük Britaniyanın Baş naziri Kir Starmer bildirib ki, Fransa və Böyük Britaniya Hörmüz boğazında gəmiçilik azadlığını qorumaq üçün ciddi şəkildə müdafiə xarakterli hərbi missiyaya başlamağa hazırdırlar.

"Sizinxeber.az" "Sky News"a istinadən xəbər verir ki, o, bunu 49 ölkə nümayəndəsinin iştirak etdiyi Paris sammitinin yekununda bildirib.

Onun sözlərinə görə, əməliyyat şərait yaranan kimi həyata keçiriləcək və Hörmüz boğazı bölgəsində minaların təmizlənməsinə və gəmiçiliyin mühafizəsinə yönələcək.

Starmer qeyd edib ki, təşəbbüs dünyanın əsas dəniz marşrutlarından biri vasitəsilə sabitliyin və sərbəst hərəkətin bərpasına yönəlib. O, həmçinin bütün dünya bu problemin həllini görməlidir deyə vurğulayaraq, Prezident Emmanuel Makronun mövqeyini dəstəkləyib.

Baş nazir əlavə edib ki, boğazın tam fəaliyyətinin bərpası"uzunmüddətli və həyata keçirilə bilən təklif üzərində qurulmalıdır.

"Boğazın açılması qlobal zərurət və qlobal məsuliyyətdir. Biz bütün dünyada enerji daşıyıcılarının və malların fasiləsiz hərəkətini bərpa etmək, qiymətləri aşağı salmaq və sülh ilə sabitliyin qayıdışını təmin etmək üçün hərəkətə keçməliyik", - Starmer vurğulayıb.

Oxşar xəbərlər

Starmer və Tramp Hörmüz boğazında gəmiçiliyin bərpasını müzakirə ediblər

KİV: Böyük Britaniya ABŞ-nin Hörmüz boğazındakı missiyasına qoşulmayacaq

Starmer: Hörmüz boğazının açılması NATO çərçivəsində həyata keçirilməyəcək

Starmer və Tramp gəmilərin Hörmüz boğazından keçidini müzakirə ediblər

London Hörmüz boğazı ilə bağlı ABŞ olmadan danışıqlar keçirəcək