Almaniyanın cənub-qərbindəki Rorbax həbsxanasının qadınlar bölməsində yanğın baş verib, nəticədə 9 nəfər yaralanıb.

"Report" "Bild" qəzetinə istinadən xəbər verir ki, yanğın yerli vaxtla saat 06:00 radələrində kameraların birində baş verib.

"Yanğın nəticəsində doqquz nəfər xəsarət alıb. Dörd məhbus, müəssisənin dörd əməkdaşı və bir yanğınsöndürən yaxınlıqdakı klinikalara yerləşdirilib", - nəşr qeyd edib.

Məhbuslardan biri xilasedici helikopterlə Lüdviqshafen travmatologiya klinikasının ixtisaslaşdırılmış yanıq mərkəzinə çatdırılıb. Həbsxananın daha dörd əməkdaşı isə profilaktik tibbi müayinədən keçir.

Yanğının söndürülməsində 45 yanğınsöndürən iştirak edib. Yanğının dəqiq səbəbi müəyyənləşdirilir, lakin istintaq qəsdən yandırmanı əsas versiya kimi nəzərdən keçirir.

"Hazırda biz bunun qəsdən yandırma olduğu qənaətindəyik. Bu versiya yoxlanılır", - həbsxana rəisi Annabel Frantsen "Bild"ə bildirib.

Oxşar xəbərlər

Almaniyada xəstəxanada baş verən yanğında 13 nəfər yaralanıb, 1 xəstə həyatını itirib

Almaniyada festivalda yanğın nəticəsində 30 nəfər xəsarət alıb

Almaniyada qocalar evində yanğın olub, 25 nəfər yaralanıb

Qazaxıstanda neft bazasında yanğın baş verib, dörd nəfər xəsarət alıb

Moskva vilayətində baş verən yanğında dörd nəfər ölüb