"Boko Haram" qruplaşmasının yaraqlıları Çadda hərbi bazaya hücum ediblər.

"Sizinxeber.az" "Reuters"ə istinadən xəbər verir ki, bu barədə ordunun çərşənbə axşamı verdiyi bəyanatda bildirilib.

Məlumata görə, hücum nəticəsində azı 23 təhlükəsizlik xidməti əməkdaşı ölüb, 26 nəfər isə yaralanıb.

"Ordu bazar ertəsi axşam saatlarında Çad gölü bölgəsində baş verən hücumu dəf edib və hazırda ərazinin təmizlənməsi üzrə əməliyyatlar aparılır", - məlumatda qeyd olunub.

Çad Prezidenti Mahamat İdris Debi "Facebook" sosial şəbəkəsindəki bəyanatında silahlıların hücumunu pisləyib.

Xatırladaq ki, 2009-cu ildən bəri "Boko Haram" yaraqlıları öz nüfuzunu Nigeriyanın şimal-şərqindən Çadın qərbinə qədər genişləndirib və orada hərbi obyektlərə hücumlar intensivləşib.

Oxşar xəbərlər

Çadda prezident sarayına hücumda 19 nəfər ölüb

KİV: "Boko Haram" silahlıları Nigeriyada 20 balıqçını öldürüblər

Nigeriyada terrorçular hərbi bazaya hücum ediblər

Çadda silahlı şəxslər prezident sarayına hücum ediblər

Nigeriyada terrorçular 81 sakini qətlə yetirib