Beynəlxalq nəqliyyat və logistika sahəsində fəaliyyət göstərən şirkət "Global DTC Pte Ltd" COP29-da təşəbbüs irəli sürmək və Orta Dəhlizi "yaşıl yola" çevirməyi planlaşdırır.

"APA-Economics" xəbər verir ki, bunu şirkətin Proqramların İnkişafı Şöbəsinin rəhbəri Janar Bağaşarova Bakıda "Qara dəniz və Xəzər dənizlərində beynəlxalq nəqliyyat dəhlizləri" mövzusunda keçirilən "Qara dəniz-Xəzər Logistika Forumu 2024" tədbirində deyib.

O, hazırda Türkiyə və Avropa ilə yaxından əməkdaşlıq etdilərini bildirib:

Orta Dəhlizin dayanıqlılığını artırmaq məqsədilə, DTC COP29-da təqdim etmək üçün təşəbbüs hazırlayır. Təşəbbüsün əsas məqsədi, Orta Dəhlizin "yaşıl yol" kimi istifadəsini nümayiş etdirmək, karbon emissiyalarının azaldılmasını qiymətləndirmək və karbon izini azaltmaq üçün təşəbbüsləri irəli sürməkdir".

Xarici qonaq qeyd edib ki, təmsil etdiyi şirkət Orta Dəhliz boyunca yerləşən ölkələrin, xüsusən də Qazaxıstan, Azərbaycan və Gürcüstanın inteqrasiyasına diqqət yetirir:

"Hazırda texniki inteqrasiyanı müvəffəqiyyətlə həyata keçirmişik, yüklərin izlənilməsi funksiyasını Qazaxıstan Dəmir Yolları , "Java" Çatdırılma Xidməti və "Java" ilə birgə platformamızda əlavə etmişik. Əsas nailiyyətlərdən biri, Qazaxıstan və Çin sərhədində proseslərin şəffaflığını təmin edərək Qazaxıstanı "boz zona"dan çıxarmaq olub. Bu, rəqəmsal gömrük həllinin tətbiqi ilə mümkün olub".

Oxşar xəbərlər

İsveçrənin gəmiçilik şirkəti Azərbaycanda ofis açacaq

Cənub dəhlizi yeni marşrutlarla genişləndiriləcək

Azərbaycan 2030-cu il üçün 7 Gwt yaşıl enerji istehsal edəcək

"Qalatasaray", "Fənərbaxça" və "Beşiktaş"ın Avropa Liqasında rəqibləri müəyyənləşib

"Uniper" şirkəti Azərbaycan qazının alışını artıra bilər