Türk dünyasının bir araya gətirilməsinə Naxçıvandan başlanılıb.

Bunu “Sizinxeber.az”un Naxçıvan bürosuna açıqlamasında Beynəlxalq Türk Mədəniyyəti Təşkilatının (TÜRKSOY) Baş katibi Sultan Raev deyib.

O, Naxçıvanın türk dünyası üçün böyük əhəmiyyətə malik olduğunu vurğulayıb:

“Naxçıvan türk dünyasının “qızıl körpü”südür. Bu region Azərbaycanın tarixində və siyasətində də çox mühüm rol oynayır. Eyni zamanda, Naxçıvan Azərbaycanın Ümummilli Lideri Heydər Əliyevin vətənidir. Burada olmağımdan qürur duyuram. Naxçıvan türk dünyasının birliyinin simvoludur”.

Baş katib Azərbaycanı türk dünyasının mühüm parçası və lokomotivi kimi xarakterizə edib:

“Azərbaycana mənsub olan böyük ədəbiyyat və incəsənət xadimləri ümumtürk mədəniyyətini hədsiz dərəcədə zənginləşdirib. Məmnunluqla xatırladıram ki, 2023-cü ildə TÜRKSOY olaraq Şuşanı türk dünyasının paytaxtı elan etdik. Bir il müddətində türk dünyasının bütün mədəniyyət fəaliyyətləri məhz Şuşada həyata keçirildi. Həqiqətən, Şuşa türk dünyasının ruhani paytaxtı olacaq”.

Oxşar xəbərlər

Rektor: 15 illik yol Türk Dövlətləri Təşkilatı üçün çox məhsuldar olub

Aygün Əliyeva: Yaxın gələcəkdə reallaşacağına inandığımız Zəngəzur dəhlizi türk dünyasının körpüsüdür

Lənkəran “Türk dünyasının gənclər paytaxtı” elan edilib

Murad Hüseynov Aktauda "Türk dünyasının mədəniyyət paytaxtı-2025”in açılışında iştirak edib