“Global Media Group”un və “Report” İnformasiya Agentliyinin birlikdə ərsəyə gətirdiyi “Xocalı. Son toy...” bədii-sənədli filminin televiziyada ilk nümayişi olacaq.

"Report" xəbər verir ki, nümayiş mayın 2-də saat 21:00-da Baku TV-də olacaq.

Filmin süjet xətti 33 il öncə ermənilərin Xocalını atəşə tutması nəticəsində yarımçıq qalan sonuncu toy mərasiminə əsaslanır.

Layihənin ideyası 1992-ci ilin 18 yanvarındakı sözügedən toyun fotosundan ilhamlanaraq gerçəkləşib. Ekran işi Xocalıda yarımçıq qalan toyu, bundan sonra baş verən prosesləri və günümüzü özündə ehtiva edir. Sözügedən toyda çəkilən ağ-qara foto yenidən zəfər bayrağı sancılmış azad Xocalıda həmin fotonun rənglənmiş variantı ilə canlandırılır ki, bu da Xocalının yenidən dirçəlməsini, yeni nəfəs tapmasını tərənnüm edir.

Filmin real kadrları Xocalıda, bədii hissəsi isə Ağsuda lentə alınıb.

Layihə rəhbəri “Global Media Group”un İdarə Heyətinin sədri Elnur Nazim oğlu Abdullayev, ideya və ssenari müəllifi Niyam Şirinov, quruluşçu rejissoru Yusif Ələkbərzadə, prodüseri isə Fuad Hüseynəliyevdir.

Oxşar xəbərlər

Nizami Kino Mərkəzində “Xocalı. Son toy...” filminin təqdimatı keçirilib

Nizami Kino Mərkəzində “Xocalı. Son toy...” filminin təqdimatı keçirilib - FOTO

Fuad Hüseynəliyev: Ümid edirəm ki, “Xocalı. Son toy…” filminə göstərilən dəstəyi doğrulda bildik

Nizami Kino Mərkəzində “Xocalı. Son toy...” filminin təqdimat mərasimi keçirilib

“Xocalı. Son toy…” filminin ssenari müəllifi: İdeya bir toy fotosundan yaranıb