Gürcüstanda yerləşən Mirzə Fətəli Axundzadə adına Azərbaycan Mədəniyyəti Mərkəzində rəssam Könül Babayevanın təşəbbüsü ilə martın 3-də Analar Gününə həsr olunmuş sərgi keçiriləcək.

"Sizinxeber.az" yerli bürosu xəbər verir ki, tədbirin məqsədi anaların, ana təbiətin və Azərbaycan qadınının ana sevgisini və bu sevginin təzahürlərini incəsənət əsərləri vasitəsilə nümayiş etdirməkdir.

Könül Babayeva bildirib ki, hazırda sərgiyə hazırlıq işləri gedir və sərgidə analarla körpələrinin sevgisini təsvir edən rəsmlərlə yanaşı, heyvanlarda ana və bala arasındakı bağları əks etdirən əsərlər də təqdim olunacaq:

"Əsas məqsədim sevginin universal dəyər olduğunu göstərməkdir. Ana sevgisi təkcə insanlarda yox, təbiətdə də öz təcəssümünü tapır. Sərgi vasitəsilə hər kəsə bu gözəl duyğuları çatdırmaq istəyirəm".

Qeyd edək ki, Könül Babayeva artıq iki ildir Gürcüstanda yaşayır və fəaliyyət göstərir. O, ötən il 8 Mart - Beynəlxalq Qadınlar Gününə həsr olunmuş ilk sərgisini Mirzə Fətəli Axundzadə adına Azərbaycan Mədəniyyət Mərkəzində təşkil edib.

Oxşar xəbərlər

Tbilisidə “Lənkəran xanının vəziri” əsəri səhnələşdirilir

X Bakı Beynəlxalq Kitab Sərgisi Füzulinin 530 illiyinə həsr olunub

“Nine Senses” incəsənət mərkəzində “Qobustan kodlu” adlı sərgi keçirilir

Milli İncəsənət Muzeyində "Xəzər" Biennalesi Platforması çərçivəsində sərgisi açılıb

Moskvada azərbaycanlı rəssamın Qarabağa həsr olunmuş əsərləri nümayiş olunub - FOTO