7 iyun, saat 19:00-da Azərbaycan Milli Gənc Tamaşaçılar Teatrının “Artstudiya” teatr studiyasında birhissəli mistik faciə janrında hazırlanan “Solğun çiçəklər” tamaşasının premyerası olacaq.

Bu barədə Sizinxeber.az-ya Teatrın mətbuat katibi Samirə Əşrəf bildirib.

O qeyd edib ki, tamaşanın bədii rəhbəri Əməkdar artist Nicat Kazımov, quruluşçu rejissoru Səbinə Məmmədzadə, quruluşçu rəssamları Elmira Üzeyirova, Təhminə Sadıqova, bəstəkarı isə Emil Elmanoğludur.

"Səhnə əsərində Əməkdar artist Leyli Vəliyeva, aktyorlar Ədalət Əbdülsəməd, Aygün Fətullayeva və Ümman Budaqov iştirak edirlər, - o vurğulayıb.

Qeyd edək ki, Cəfər Cabbarlının “Solğun çiçəklər” əsəri Saranın əmisi oğluna olan saf məhəbbətindən və Saranın analığı Gülnisənin, bacısı Pərinin ona qarşı olan amansızlığından, ögey münasibətindən bəhs edir. Şəxsi maraqları naminə əmisioğlu Bəhram tərəfindən atılan Saranın gələcəyə dair ən gözəl ümidləri də puça çıxır.

Oxşar xəbərlər

"İblis və..." tamaşasının premyerası Sankt-Peterburqda olacaq

“Nəsimi” operasının premyerası olub

Sankt-Peterburqda "İblis və..." tamaşasının premyerası keçirilib

Gəncə Dövlət Filarmoniyasında “Qadınım” tamaşası nümayiş olunub - FOTO

“Arqon” tamaşasının premyerası baş tutub