Dolf Lundqren: Xərçəng xəstəliyi həyatdan zövq almağı və bütün anları dəyərləndirməyi öyrətdi

Məşhur “Rokki 4” və digər filmlərlə tanınan isveçli aktyor, rejissor Dolf Lundqren şad xəbəri açıqlayıb.

“Sizinxeber.az” xəbər verir ki, o, bu barədə instaqramdakı hesabında video paylaşdıqdan sonra yazıb.

Məşhur aktyor xərçəng xəstəliyinə qarşı təxminən 10 il mübarizə apardıqdan sonra sağalıb.

Videoda aktyor xəstəxana palatasında xüsusi geyimdə görünüb. Lundqren bu yaxınlarda növbəti müayinədən keçib və ona məlum olub ki, ağır xəstəliyə qalib gəlib. O, sonuncu şişi məhv etmək üçün minimal invaziv ağciyər əməliyyatı keçirib.

Dolfun xərçəng xəstəliyi ilə mübarizəsi doqquz il davam edib. İndi isə həkimlər müalicə nəticəsində onun orqanizmində xərçəng hüceyrələrinin qalmadığını bildiriblər. Aktyor videonun rəy bölümündə qeyd edib ki, bu çətin dövr həyatdan zövq almağı və onun bütün anlarını, hətta belə çətin anlarını belə dəyərləndirməyi öyrədib.

"Bədənimdə artıq xərçəng xəstəliyi hüceyrələri yoxdur, ona görə də ümid edirəm ki, indi rəsmən xərçəngdən azadam. Bu mübarizə mənə anı yaşamağa və hər anın qədrini bilməyə öyrətdi", - 67 yaşlı aktyor yazıb.

Yeri gəlmişkən, sənətçinin böyrəyində xərçəng şişi 2015-ci ildə aşkarlanıb. Şiş bədənindən çıxarılsa da, biopsiyanın nəticələri şişin bədxassəli olduğunu göstərdi. 2020-ci ildə həkimlər Lundqrenin bədənində daha altı yeni şiş diaqnozu qoyublar, onlardan biri qaraciyərində idi. Bundan sonra həkimlər onun ömrünün bir aydan az olduğunu proqnozlaşdırdılar, lakin aktyor həyat uğrunda mübarizə aparıb və xəstəliyə qalib gəlib.

Qeyd edək ki, Dolf Lundqren Hollivudun ən məşhur aktyorlarından biridir, o, döyüş filmlərindəki rolları ilə tanınır. Aktyor sovet boksçusu İvan Draqonu canlandırdığı “Rokki IV” (1985-ci il) və baş rollardan birini ifa etdiyi “Universal əsgər” (1992) kimi filmlər sayəsində dünya şöhrəti qazanıb.

Lundqren aktyorluq karyerası ilə yanaşı, rejissor kimi fəaliyyəti ilə də tanınır. O, “Müdafiəçi”, “Mexanik” və “Missioner” kimi filmlər üzərində işləyib. Rəssam döyüş sənətinin ustasıdır və bir vaxtlar bodibildinqlə də fəal məşğul olub, bir neçə titul qazanıb.