COP29 konfransı çərçivəsində əsasən iqlim maliyyəsi üzrə məsələlərin həlli nəzərdə tutulur.

Bunu APA-ya açıqlamasında maliyyə naziri Samir Şərifov deyib.

O qeyd edib ki, konfransın əsas məqsədlərindən biri yeni maliyyə hədəfinin qəbul edilməsidir:

"Bu, imkan verəcək ki, inkişaf etmiş ölkələr inkişaf etməkdə olan ölkələrə iqlim dəyişmələri ilə əlaqədar lazımi maliyyə resurslarını təqdim etsinlər".

S.Şərifov ADB tərəfindən iqlim maliyyələşməsi ilə bağlı hazırlanmış yeni zəmanət mexanizmi barədə danışıb:

"Bu, olduqca vacib təşəbbüsdür. Bu təşəbbüsün həyata keçirilməsi nəticəsində ADB tərəfindən iqlim maliyyələşməsinə ayrılan əlavə vəsaitin 11 milyard dollara qədər çatdırılması nəzərdə tutulur. Hesab edirəm ki, bu, qlobal miqyasda iqlim maliyyəsi üçün tələbata əlavə töhfə olacaq".

Qeyd edək ki, Asiya İnkişaf Bankı Bakıda keçirilən COP29 çərçivəsində özünün yeni iqlim maliyyələşdirmə mexanizmini təqdim edib.

Oxşar xəbərlər

Nazir: COP29 çərçivəsində əsasən iqlim maliyyəsi üzrə məsələlərin həlli nəzərdə tutulur

Elmi məsləhətçi: İqlim dəyişikliyi üzrə qlobal mübarizənin həlli COP29-da razılığın əldə edilməsindən asılıdır

İqlim maliyyəsi iqlim dəyişikliyi ilə mübarizədə mühüm rol oynayır

Elmar Məmmədov: İqlim Maliyyəsi üzrə Fəaliyyət Fondunun yaradılması nəzərdə tutulub

Ceyhun Bayramov BMT Baş Assambleyasının sessiyası çərçivəsində tədbirdə çıxış edib