Bakıda keçirilən bütün irimiqyaslı tədbirlərdə olduğu kimi, COP29 zamanı da Bakı metropolitenində qərargah fəaliyyət göstərəcək. Bakı metropoliteninin paytaxtda keçirilən kütləvi tədbirlərlə əlaqədar əməliyyat planına uyğun olaraq, COP29-un xüsusiyyətləri nəzərə alınmaqla, hazırlıqlar başa çatdırılıb.

Bu barədə “Sizinxeber.az-Economics” Bakı metropoliteninə istinadən xəbər verir.

Qeyd edilib ki, qərargahın fəaliyyətində əlaqələndirmə, situasiya mərkəzlərinin işi və işçi qrupların fəaliyyəti tənzimlənəcək. Burada təşkilati, kommunikasiya və bir sıra digər məsələlərlə bağlı məsul şəxslər müəyyən edilməklə tənzimlənmə mexanizmləri qurulub.

Əməliyyat planına uyğun olaraq, Bakı metropolitenində COP29 dövründə adi iş günlərində olan məsul növbətçilik qaydaları qüvvədə saxlanılmaqla əlavə tədbirlər müəyyən edilib. Əsas nəzarət sahələri və zonaları, digər qurumlarla əlaqələndirmə və aidiyyəti qurumların fəaliyyətinin təmin edilməsi, birgə fəaliyyətin qurulması qaydaları və məsul şəxslər qeyd olunub. Burada həm metropoliten, həm də stansiya üzrə mərkəzləşdirilmiş fəaliyyətin təmin edilməsi məqsədilə Daxili İşlər və Fövqəladə Hallar nazirlikləri, Tibbi Ərazi Bölmələrini İdarəetmə Birliyi (TƏBİB) və digər qurumlarla sıx əlaqəli işlər aparılaraq, müvafiq şərait yaradılıb. Həmçinin “Bakı Metropoliteni” QSC üzrə stansiyaların rəhbər və işçi heyətinin iş rejimi müəyyən edilib. Bununla yanaşı, müxtəlif struktur və sahələrin rəhbərlərinin daxil olduğu əlavə nəzarət cədvəlləri təyin olunub.

Ümumilikdə, bütün işçi qrupların fəaliyyətinin “Bakı Metropoliteni” QSC-nin “Koroğlu” stansiyasından idarə edilməsi istiqamətində təşkilati və texniki təchizat işləri yekunlaşdırılıb

Oxşar xəbərlər

“Qarabağ”ın oyununa görə Bakı metrosunun iş rejimi gücləndiriləcək

COP29 zamanı Bakı metrosunun iş rejimi dəyişdiriləcək

Bayram günlərində Bakı metropoliteninin iş rejimi açıqlanıb

"Qarabağ"ın oyununa görə metronun iş rejimi dəyişəcək

“Qarabağ”ın oyunu ilə əlaqədar Bakı metrosunda iş rejimi gücləndiriləcək