Baham Adalarının Böyük Bahama (Grand Bahama) şəhərində bu ölkənin Xarici İşlər Nazirliyi tərəfindən təşkil edilən “Diplomatiya Həftəsi” tədbiri çərçivəsində keçirilən “İqlimə Həssas Dövlətlər üçün Dayanıqlı İnkişaf Gündəliyi” (A Sustainable Development Agenda for Climate Vulnerable States) adlı panel müzakirələrində Azərbaycanın Kubadakı səfiri Ruslan Rzayev COP29-la bağlı çıxış edib.

Bu barədə “Sizinxeber.az”a Azərbaycanın Kuba Respublikasındakı səfirliyindən məlumat verilib.

Səfir Azərbaycanın COP29-a hazırlığı və sədrliyi çərçivəsindəki fəaliyyəti barədə məlumat verib. Bu xüsusda ölkəmizin baxışının iki istiqamətə, ambisiyaların artırılması və fəaliyyətə təkan verməyə əsaslandığını bildirilib. Tərəf ölkələrin milli planlara və şəffaflığa sadiqliyinin təmin edilməsi, ambisiyaları fəaliyyətə çevirmək, emissiyaları azaltmaq, iqlim dəyişmələrinə uyğunlaşmaq, itki və zərəri aradan qaldırmaq üçün əsas vasitələrdən biri olan maliyyənin vacib rolunu qeyd edib.

R.Rzayev Azərbaycanın COP29-un sədri qismində bütün maraqlı tərəfləri dinlədiyini, onlarla əməkdaşlıq etdiyini, geniş müzakirələr apardığını, hər kəsin səsinin eşidilməsinə və fikirlərinin nəzərə alınmasına və ortaq həll yolları axtarmaqla inklüziv nəticələrin əldə edilməsinə çalışdığını söyləyib.

İqlim dəyişmələrinə həssas olan İnkişaf Etməkdə olan Kiçik Ada Dövlətləri (SIDS) ilə bağlı Sədrliyin fəaliyyəti, Azərbaycanın bu dövlətlərə kömək etməyi özünə mənəvi borc hesab etdiyini, onlara həm maddi, həm də siyasi, o cümlədən Millətlər Birliyi təşkilatı çərçivəsində dəstək göstərməsi barədə danışıb.

Çıxış zamanı səfir, həmçinin, Azərbaycanın COP29-a Sədrliyinin Fəaliyyət Gündəliyi çərçivəsində elan edilmiş qlobal təşəbbüslər barədə məlumat verərək bu təşəbbüslərin məqsədinin iqlim fəaliyyətini irəlilətmək, iqlim dəyişmələri ilə bağlı ambisiyaları artırmaq və fəaliyyətə təkan vermək olduğunu bildirib. Panel müzakirələri daha sonra sual-cavab hissəsi ilə davam edib.

Oxşar xəbərlər

Braziliyada Azərbaycanın COP29 gündəliyi çərçivəsində təşəbbüslərindən danışılıb

Ceyhun Bayramov: COP29-a ev sahibliyi Azərbaycanın iqlim gündəliyinə cavab verməyə hazır olduğunun sübutudur

Cahit Bağçı: “COP29 sessiyası Azərbaycan üçün olduqca önəmlidir”

Elnur Məmmədov 5-ci Xəzər Biznes Forumunda Azərbaycanın COP29-a hazırlığı barədə danışıb

Muxtar Babayev: Azərbaycan iqlim dəyişikliyi ilə bağlı problemləri aradan qaldırmağa çalışacaq