Avqustun 31-də UNEC-in ev sahibliyi ilə COP 29-a həsr olunan Beynəlxalq Multidissiplinar Simpozium keçiriləcək.

Bu barədə Sizinxeber.az-ya Azərbaycan Dövlət İqtisad Universitetinin (UNEC) İctimaiyyətlə Əlaqələr Şöbəsindən məlumat verilib.

“BMT-COP29: Müasir sivilizasiyanın aktual problemlərinin həllində dünya alimlərinin rolunun gücləndirilməsi. Ətraf mühitin mühafizəsi və yaşıl gündəm” mövzusunda təşkil olunacaq beynəlxalq simpoziumda Azərbaycan, Çin, Qazaxıstan, Hindistan, Gürcüstan, Rusiya, Moldovadan olan alimlərin iştirakı ilə bir-birindən maraqlı müzakirələr aparılacaq.

Müzakirələr əsasən, milli iqtisadiyyatın enerji tutumu, ekoloji strategiyalar, karbon neytrallığı, yeni çirkləndiricilərə nəzarət, istixana qazlarının emissiyaları, rəqəmsallaşmanın qlobal problemlərin həllində rolu, Xəzər dənizinin, göllərin, eləcə də təbii və təmizlənmiş tullantı sularının toksikliyinin monitorinqi, ekoloji təmiz təbiət, Azərbaycanda ekoəczaçılıq vasitələrinin inkişafı və yaradılması, iqlim dəyişikliyi geosiyasətində qloballaşma faktoru, sosial problemlərin həllində elmin rolu, ətraf mühitin mühafizəsində beynəlxalq ənənələr və s. mövzularda olacaq.

Oxşar xəbərlər

UNEC-ə 600-dən çox bal toplayaraq qəbul olanların sayı 89 faiz artıb

UNEC qlobal reytinqdə 684 pillə irəliləyib

UNEC-in “Açıq qapı” günlərində 800-dən çox abituriyent iştirak edib

“Heydər Əliyev İli” çərçivəsində UNEC-də görülmüş işlərin yekun tədbiri keçirilib

XI Qlobal Bakı Forumu başa çatıb