Qanada helikopter qəzası nəticəsində iki nazir həlak olub

Qananın müdafiə naziri Edvard Omane Boamu və ətraf mühit, elm və texnologiyalar naziri İbrahim Murtala Məhəmməd daxil olmaqla səkkiz nəfər, ölkənin Hərbi Hava Qüvvələrinə məxsus helikopterin qəzaya uğraması nəticəsində həlak olub.

APA xəbər verir ki, bu barədə Qana Silahlı Qüvvələrinin Baş Qərargah rəisi Culius Debra məlumat yayıb.

"Helikopterdə olanların hamısı, yəni üç heyət üzvü və beş sərnişin həyatını itirib", – deyə Debra qeyd edib.

Qəzada ölən sərnişinlər arasında iki nazir və milli təhlükəsizlik məsələləri üzrə koordinatorun müavini də olub.